ناشط سياسي 1: هل الاخوان معاهم سلاح ؟
ناشيط سياسي 2: ايوه معاهم ودا ثابت بالصور
1: هل ارتكبوا عنف
2: ايوه طبعا ودا ثابت بالفيديوهات. وبعدين لسه اول امبارح هاجمين على التحرير وموتين ناس
1: هل مارسوا تعذيب
2: ايوه والمنظمات الحقوقية والنيابة العامة اثبتت دا
1: هل ليها علاقة بالارهاب المسلح في سيناء
2: باعترافاتهم
1: هل ارتكبوا جرائم قتل
2: ايوه
... 1: هل اعتصامهم سلمي
2: لا دول بيخطفوا ضباط شرطة
1: هل وطنيين؟
2: لا دا كل تصريحاتهم بتخاطب الغرب وبتطلب تدخل دولي
1: هل بيحافظوا على مصر؟
2: لا دول بيشجعوا على انقسام الجيش فيما يشكل خيانة عظمى وموت عشرات الالوف والدخول في انتحار جماعي
1: طب ايه تصنيف دول..
2: ارهابيين وخونة..
1: طب ايه التصرف الأمثل أمام الارهاب؟
2: لا بس برضو مينفعش اقول الجيش معاه حق عشان افضل ناشط سياسي محايد وألم فولورز وأبأى ضد العسكر وكدة
1: بس الحياد في بعض المواقف يكون خيانة
2: يا عم هي دي الموضة.. اشتم الاخوان واشتم الجيش .
1: على فكرة كلنا وقفنا ضد تصرفات الجيش القمعية في المرة الأولى..
والاخوان هما اللي شمتوا فينا وقالوا علينا بلطجية وشواذ جنيسيا وممولين.
السياسة متغيرة.. الآن الجيش تدخل كرد فعل لتحرك الملايين .. وكان لازم يتحرك لتحييد ارهاب الجماعات المسلحة الموالية للاخوان .. تخيل لو كان الجيش على الحياد والسلاح التقيل اللي في سيناء انتقل الى قلب القاهرة لمواجهة معارضي مرسي.. النتيجة كانت هتبأى ايه ؟
2: مذبحة طبعا.
1: زي ما قال شيخ الازهر احنا بنوازن بين أقل الضررين.. والاخوان كل مرة بيثبتوا انهم الضررالأكبر.. ومتنساش ان الشباب الثوري هو اللي زحف للبرلمان ايام المجلس العسكري ليطلب منه تسلم السلطة كي ننهي حكم العسكر. وهو من رفض. يعني الشباب دا من الاول كان ضد العسكر وكان موالي للاخوان .. الان الوضع تغير ورأى من الاخوان ما هو اسوأ. ولو رأى الشباب انحرافا من الجيش في تسليم السلطة فسيثور عليه من جديد.
معرفش اعمل كدة .. انا لازم افضل محايد.
للتواصل مع الكاتب عبر الفيس بوك
ليست هناك تعليقات:
إرسال تعليق